პოზნერის ჩაშლილი ვოიაჟი თბილისში

მწვავე პროტესტის ფონზე ჩავლილი ვახშამი, ჩაშლილი წვეულება და ნაადრევად შეწყვეტილი თბილისური ვოიაჟი - დაძაბული ღამის შემდეგ ვლადიმერ პოზნერმა და მისმა სტუმრებმა თბილისი ორი დღით ადრე, გამთენიისას დატოვეს. კომენდანტის საათის დროს გამართული ხალხმრავალი წვეულების გამო ცნობილი რუსი ჟურნალისტი და მისი სტუმრების უმრავლესობა 2-2 ათასი ლარით დაჯარიმდნენ. იმ ადამიანის სტუმრობამ, რომელსაც ოკუპირებულ აფხაზეთზე უმძიმესი განცხადებები აქვს გაკეთებული, ქვეყანაში ისედაც მწვავე პოლიტიკური სიტუაცია კიდევ უფრო გააღრმავა და ორმაგი სტანდარტებიც უფრო თვალსაჩინო გახადა. ოპოზიცია მმართველ გუნდს რუსი ჟურნალისტისთვის პრივილეგირებული პირობების შექმნაში ადანაშაულებს და სვამს კითხვას, რატომ მისცა საერთოდ ხელისუფლებამ საქართველოზე მიუღებელი განცხადებების ავტორს ქვეყანაში შემოსვლის უფლება. „ქართული ოცნება“ კი ოპონენტების ორმაგ სტანდარტებსა და ფსევდო პატრიოტიზმზე მიუთითებს კონკრეტული სახელ-გვარებით და ფაქტებით უახლოესი წარსულიდან, რასაც არქივიც ინახავს. აქცენტი კეთდება პრორუსული განცხადებებით ცნობილ ნინო ბურჯანაძეზეც, რომელიც დღეს გაერთიანებული ოპოზიციის ერთ-ერთი მთავარი სახეა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.