შეფასებები გრიგოლ ვაშაძის განცხადებაზე

გაერთიანებული ოპოზიციის საპრეზიდენტო კანდიდატის, გრიგოლ ვაშაძის მიერ სპორტული ფედერაციების დაფინანსებასთან დაკავშირებულ განცხადებებს ყოფილი სპორტსმენები, პარლამენტის წევრები და სპორტის დეპარტამენტის თავმჯდომარე ეხმაურებიან. მათი განცხადებით, სპორტთან დაკავშირებით ვაშაძის მიდგომა საზოგადოებისა და სპორტსმენებისთვის მიუღებელი და გაუგებარი, ხოლო სპორტის განვითარებისთვის საფრთხის შემცველია. ისინი საუბრობენ, რომ „ნაციონალურ მოძრაობას“ სპორტთან დაკავშირებით ხელწერა უცვლელი აქვს და ის საზიანოა როგორც მოსახლეობისთვის, ისე ქვეყნის განვითარებისთვის. შეგახსენებთ, გრიგოლ ვაშაძემ რამდენიმე დღის წინ გერმანულ მედიასაშუალება „დოიჩე ველეს“ ინტერვიუ მისცა, სადაც აცხადებს, რომ სპორტზე და სპორტულ პროგრამებზე დახარჯული ფული სისულელეა. ვაშაძის თქმით, დიდი ფუფუნებაა ფულის ხარჯვა ფეხბურთის პროგრამებზე, ჰოკეისა და ბეისბოლის გუნდებზე და ამის ნაცვლად, ის ამ თანხებს ჯანდაცვასა და სოციალურ პროგრამებს, ასევე, განათლებასა და უსაფრთხოებას მოახმარდა. ამ განცხადებებს დღეს სახელისუფლებო ჯგუფებისგან და სპორტული სამყაროდან მწვავე განცხადებები მოჰყვა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.