ციტრუსის მოსავლის აღება-დაბინავების პროცესი

ქობულეთში ციტრუსის მოსავლის აღება-დაბინავების პროცესი მიმდინარეობს. მიმდინარე წელს, სახელმწიფო სუბსიდია სამრეწველო გადამუშავების (არასტანდარტულ) მანდარინზე გასულ წელთან შედარებით 10 თეთრით გაზრდილია და 1 კგ-ზე 35 თეთრს შეადგენს.

შესაბამისად, გადამუშავებისთვის განკუთვნილი მანდარინის ფასი 40 თეთრია, საიდანაც ფერმერებს ხუთ თეთრს საწარმო უხდის. აჭარაში საექსპორტო მანდარინს 20-ზე მეტი ციტრუსის მიმღებ-დამხარისხებელი საწარმო, ხოლო არასტანდარტულ ნაყოფს ქობულეთის მუნიციპალიტეტში არსებული ორი გადამამუშავებელი ქარხანა იბარებს.

ციტრუსის სეზონის შეუფერხებლად განხორციელებისა და რეალიზაციის ხელშეწყობის მიზნით, აჭარაში ციტრუსის საკოორდინაციო შტაბი მოქმედებს. შტაბი 1-ელ თებერვლამდე იმუშავებს. მიმდინარე პროცესს, გარემოს დაცვისა და სოფლის მეურნეობის მინისტრი და აჭარის ავტონომიური რესპუბლიკის მთავრობის თავმჯდომარე ერთად გაეცნენ.

ეწვიეთ ჩვენს საიტს - https://1tv.ge/
მოიწონეთ ჩვენი გვერდი - https://www.facebook.com/1stchannel.1tv.ge
გამოიწერეთ ჩვენი არხი - https://www.youtube.com/user/GeorgianPB/
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.