მოსამართლეობის კანდიდატების მოსმენა

უზენაესი სასამართლოს მოსამართლეობის ოთხი კანდიდატი პარლამენტის გადაწყვეტილებას ელის. ორდღიანი მოსმენები დასრულებულია. სავარაუდოდ, მომავალ კვირაში გაირკვევა, მიიღებენ თუ არა კანდიდატები დეპუტატებისგან საკმარის მხარდაჭერას და გამწესდებიან თუ არა სასამართლოს უმაღლეს ინსტანციაში უვადოდ. 10 საათის განმავლობაში დღეს იურიდიულ კომიტეტში ნინო სანდოძეს და თეა ძიმისტარაშვილს უსმენდნენ. ორივე მათგანის სამოსამართლეო კარიერა წინა ხელისუფლების მმართველობის პერიოდიდან იწყება. სანდოძე გია გვიჩიანის და ნიკა ჩემიას წინააღმდეგ გამოტანილი უვადო სასჯელის ავტორია, ძიმისტარაშვილის ბიოგრაფიაში კი ყველაზე რეზონანსული 2012 წელს „ქართული ოცნების“ შემომწირველთა დაჯარიმების საქმეა. დღევანდელ მოსმენას ოპოზიციის და არასამთავრობო სექტორის ნაწილმა ისევ ბოიკოტი გამოუცხადა. ხელისუფლებას მოსამართლეთა შერჩევის პროცესის გაუმჭვირვალობაზე მიუთითა ამერიკის საელჩომაც.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.