ქუთაისის საერთაშორისო უნივერსიტეტის სამშენებლო პროცესი

განათლების მინისტრმა ქუთაისში საერთაშორისო უნივერსიტეტის მშენებლობის პროცესი ფონდ „ქართუს“ ხელმძღვანელობასთან, უნივერსიტეტის რექტორთან და გერმანელ მეცნიერებთან ერთად დაათვალიერა. პროექტის პირველ ფაზაში 170 ათასი კვადრატული მეტრის ფართის შენობა-ნაგებობები შენდება, ისინი 3 სასწავლო კორპუსს, 3 სტუდენტურ საცხოვრებელს, ცენტრალურ ბიბლიოთეკას და სასადილოს მოიცავს. ქუთაისის საერთაშორისო უნივერსიტეტის მოდელი მიუნხენის ტექნიკურ უნივერსიტეტთან თანამშრომლობით შემუშავდა. უნივერსიტეტი სტუდენტების პირველი ნაკადის მისაღებად მზად 2020 წლის სექტემბერში უნდა იყოს. ფონდი „ქართუ“ პროექტს სრულად აფინანსებს. მისი საერთო ღირებულება ერთი მილიარდი ევროა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.