ევროპის დღეებთან დაკავშირებით რიყის პარკში დაგეგმილი საზეიმო ღონისძიების გამო საზოგადოებრივი ტრანსპორტის მარშრუტები დროებით შეიცვლება. ამის შესახებ ინფორმაციას თბილისის მერია ავრცელებს.ტრანსპორტი მეტეხის ხიდზე გადასვლის ნაცვლად მოძრაობას მტკვრის მარჯვენა სანაპიროზე განაგრძობს, აუხვევს მშრალ ხიდზე და ტოლსტოისა და ხეთაგუროვის ქუჩების გავლით მოხვდება ჯერ ბარათაშვილის ხიდზე, ხოლო შემდეგ – ბარათაშვილის ქუჩაზე.17:00 საათიდან 23:00 საათამდე მოძრაობა, ასევე, აიკრძალება გორგასლის მოედნიდან ევროპის მოედნის მიმართულებით.ევროპის მოედანზე მოძრაობა ნაწილობრივ აღდგება 5 მაისის 00:00 საათიდან, ხოლო 6 მაისის 10:00 საათიდან - სრულად.
