იმპიჩმენტის მოთხოვნა

საზოგადოებრივი მაუწყებლის აჭარის ტელევიზიისა და რადიოს დირექტორის გადაყენებას, მრჩეველთა საბჭოს ორი წევრი მოითხოვს. „ნაციონალური მოძრაობის“ კვოტით არჩეულმა ირაკლი დარცმელიძემ და „ქართული ოცნების“ კვოტით ბორდში შესულმა გიგა ჩხარტიშვილმა სამეურვეო საბჭოს შესაბამისი წერილით მიმართეს. პრეტენზია ტელევიზიის რეიტინგი, პროგრამული პრიორიტეტების შეუსრულებლობა და საბიუჯეტო სახსრების არამიზნობრივი ხარჯვაა.  ამ დროისთვის აჭარის ტელევიზიის მრჩეველთა საბჭოში სულ 5 მოქმედი წევრია. დირექტორის  გადაყენებას კი 3 ხმა სჭირდება. საკითხზე საბჭო ორშაბათს იმსჯელებს და 10 დღიან ვადაში ჩანიშნავს სხდომას, სადაც დირექტორის გადაყენების საკითხს გადაწყვეტს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.