ომი უკრაინაში

უკრაინაში ვითარება ისევ დაძაბულია - ამჟამად საჰაერო განგაში ქვეყნის თითქმის მთელ ტერიტორიაზეა გამოცხადებული. როგორც უკრაინული მხარე იუწყება, გასული ღამის განმავლობაში რუსეთმა იერიში ქალაქ ნიკოლაევზე მიიტანა. შედეგად ერთი ადამიანი დაიღუპა. არიან დაჭრილებიც. მათივე ცნობით, ოკუპანტებმა ხარკოვზე დარტყმა „S 300“ ტიპის სისტემით მიიტანეს. შედეგად ქალაქში გაჩნდა ხანძარი. უკრაინის ხელისუფლების ცნობით, გუშინ ღამით დაიბომბა დნეპროპეტროვსკის ოლქიც. ამასთან, უკრაინული მხარე აცხადებს, რომ მათ სლავიანსკის, ბახმუტის, აბდეევკისა და ნოვოპავლოვსკის მიმრთულებებიდან რუსეთის შტურმის მოგერიება შეძლეს. მათივე ცნობით, ბოლო დღე-ღამეში 170 ოკუპანტის ლიკვიდაცია მოხდა. ამასთან, უკრაინელმა სამხედროებმა შეტევა მიიტანეს ხერსონში მდებარე კიდევ ერთ ხიდზე, შედეგად ამ ხიდზე გადაადგილება შეჩერებულია. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.