COVID-19 - ვითარება მარნეულის საკარანტინო ზონაში

მარნეულის „ჯეოჰოსპიტალსის“ კლინიკაში დღეს საეჭვო სიმპტომების მქონე რვა პაციენტს აუღებენ ბიოლოგიურ მასალას. ნიმუშები ლუგარის ლაბორატორიაში გაიგზავნება. ტესტების პასუხები კი, სავარაუდოდ, ხვალ დღის პირველ ნახევარში გახდება ცნობილი. მარნეულის სასწრაფო სამედიცინო დახმარების ცხრა თანამშრომელი ინფიცირებულია, თუმცა, გადაუდებელი დახმარების სერვისი მუნიციპალიტეტში არ შეჩერებულა. სხვადასხვა რეგიონიდან სასწრაფო დახმარების ბრიგადები მარნეულში უკვე ჩავიდა. გრძელდება დაინფიცირებულთა კონტაქტების მოძიება. ადგილობრივი ხელისუფლება მოსახლეობას რეკომენდაციების შესრულებისკენ მოუწოდებს. მარნეულის მუნიციპალიტეტი 42-ე დღეა, წითელ ზონად არის გამოცხადებული. აქ ჯამში „კოვიდ-19“-ით დაინფიცირების 33 შემთხვევაა გამოვლენილი. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.