ლოიდ ოსტინი ისრაელში ჩავიდა

აშშ-ის თავდაცვის მდივანი ლოიდ ოსტინი თელ-ავივში ჩავიდა, სადაც ისრაელის თავდაცვის მინისტრს  შეხვდა. ოსტინმა ხაზი გაუსვა აშშ-ის მხარდაჭერას ისრაელის მიმართ „ჰამასის“ თავდასხმის შემდეგ. ამასთან, აშშ-ის თავდაცვის მდივანმა ისრაელს თავშეკავებისკენ მოუწოდა. როგორც მედია წერს, მოსალოდნელია, რომ ოსტინი შეხვდება ისრაელის პრემიერ-მინისტრს, ბენიამინ ნეთანიაჰუსაც. თავდაცვის ოფიციალური პირები, რომლებიც ისრაელში ოსტინთან ერთად ჩავიდნენ, აცხადებენ, რომ აშშ მზადაა, დარწმუნდეს, რომ ქვეყანას ყველაფერი აქვს, რაც თავის დასაცავად სჭირდება. თავდაცვის მაღალჩინოსანი ამბობს, რომ აშშ-მა უკვე მიაწოდა ისრაელს მცირე დიამეტრის ბომბები, ასევე ჩამჭრელი რაკეტები „რკინის გუმბათის“ სისტემისთვის, სხვა საბრძოლო მასალების მიწოდებას კი დღეს ელოდებიან. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/1stchannel.1... გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.