გლობალური კონკურენტუნარიანობის ინდექსი

გლობალური მდგრადი კონკურენტუნარიანობის მიხედვით, საქართველო რეგიონის ლიდერია. საქართველომ ქულათა ისტორიული მაქსიმუმი აიღო და მსოფლიოში 37-ე ადგილზეა. ამ მაჩვენებლით, ქვეყანა რეიტინგის შვიდწლიანი გაუმჯობესების მიხედვით, მსოფლიოში პირველ ადგილზეა. ინფორმაციას საქართველოს ეკონომიკის სამინისტრო ავრცელებს. გლობალური მდგრადი კონკურენტუნარიანობის 2020 წლის ინდექსი ტრანს-ეროვნულმა ორგანიზაცია SolAbility-იმ გამოაქვეყნა. საქართველო რეიტინგში უსწრებს ისეთ მოწინავე ეკონომიკებს, როგორიცაა:  ჩინეთი, სინგაპური, ავსტრალია, ისრაელი, საბერძნეთი, მალტა, ჩილე, კვიპროსი.  რეიტინგში საქართველო ყველა მეზობელ ქვეყანას უსწრებს, პოსტსაბჭოთა სივრცეში კი მხოლოდ ბალტიის ქვეყნებს ჩამორჩება. მდგრადი კონკურენტუნარიანობის ინდექსი აერთიანებს ხუთ აგრეგატში გაერთიანებულ 127 ინდიკატორს და ეფუძნება გაერო-ს, მსოფლიო ბანკის, სავალუტო ფონდის, USAID-სა და მსოფლიოს სხვადასხვა კვლევითი ცენტრების პროფილურ გამოკვლევებს. როგორც ეკონომიკის სამინისტროში აცხადებენ, შეფასების ხუთი აგრეგატიდან ყველაზე მაღალი შედეგი საქართველომ მთავრობის ეფექტიანობის მიმართულებით აჩვენა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.