ისნის საოლქო კომისიის თავმჯდომარის გარდაცვალების საქმე

ისნის საოლქო საარჩევნო კომისიის თავმჯდომარის, თედო გობეჯიშვილის გარდაცვალების საქმეზე იძულებაში, მუქარასა და ქრთამის შეთავაზებაში ბრალდებულების წინასასამართლო სხდომა 21 დეკემბრისთვის გადაიდო. აკაკი ხუსკივაძისა და აკაკი კობალაძის პროცესზე დღეს, ძირითადად, დაცვის მხარის შუამდგომლობების წარდგენა მიმდინარეობდა. მტკიცებულებების დასაშვებობის ნაწილში ბრალდებულები „ქართული ოცნების“ წევრების, გიორგი ხელაშვილისა და ბექა დავითულიანის მოწმეებად დაკითხვას ითხოვენ, რასაც პროკურატურა არ ეთანხმება. დაცვის მხარე მიიჩნევს, რომ საქმე პოლიტიკურად მოტივირებულია, რადგან გობეჯიშვილის გარდაცვალების შემდეგ, მმართველი გუნდის სპიკერები აკაკი ხუსკივაძეს და აკაკი კობალაძეს ჯერ კიდევ დაკავებამდე ადანაშაულებდნენ. პროკურატურა კი მიიჩნევს, რომ „ქართული ოცნების“ ლიდერების დაკითხვა არ უნდა მოხდეს, რადგან მათ საქმესთან შემხებლობა არ აქვთ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.