ახალი რეჟიმი ინდუსტრიულ ქალაქში

როგორც წესი, პოპულარული მედიები ტყიბულის შახტებში არსებულ ვითარებაზე მხოლოდ მაშინ ლაპარაკობენ, როცა მძიმე ტრაგედიის წინაშე დავდგებით და სიტყვებს ძნელად თუ ვპოულობთ. ამ მძიმე რეალობისგან გამოსასვლელად პრინციპულად მნიშვნელოვანია, კარგად გავიაზროთ არსებული კრიზისი და მუშათა მდგომარეობა სამთო ინდუსტრიაში. 2020 წლის სექტმებრიდან ტყიბულის შახტებში დაწესდა მუშაობის ახალი რეჟიმი. კომპანია ყველა უბანს უწესებს ქვანახშირის მოპოვების გეგმას. მუშებს, რომლებიც იძულებულნი არიან გეგმა ნებისმიერი გზით შეასრულონ, ხშირად უწევთ აფეთქების და სამუშაოების პროცესის წარმართვა უბნის საშიშ მონაკვეთებზე, რაც ყველაზე სავალალოა, მეშახტეები იძულებული არიან აფეთქებებს შორის შეამცირონ დრო, რათა გეგმის შესრულება მოასწრონ. ასეთ ვითარებაში იზრდება საწარმოო შემთხვევის რისკი. გამომუშავებაზე (ბონუსების სისტემა) დამოკიდებული ანაზღაურების სისტემის შეტანა შახტებში ეწინააღდეგება ყველა საბაზისო პრინციპს, რაზეც დგას სამთო ინდუსტრია. კომპანია ‘’საქნახშირს’’, რომელიც ფლობს ტყიბულის შახტებს, არ შეუძლია მაღალტექნოლოგიური შრომის ორგანიზება. მაქსიმალური მოგების მისაღებად, კომპანია სასტიკ რეჟიმში შრომას აიძულებს დასაქმებულებს. ის, რაც ტყიბულში ხდება, არ არის გამონაკლისი შემთხვევა და არის პირდაპირი გაგრძელება სხვადასხვა სექტორში დანერგილი პრაქტიკისა. გვიპოვეთ აქ: Facebook: https://www.facebook.com/mautskebeli.... Instagram: https://www.instagram.com/mautskebeli... Web: http://www.mautskebeli.ge/​​​​ #მაუწყებელი