ვენეციის კომისიის დასკვნა - პრეზიდენტის საპარლამენტო მდივნის გამოხმაურება

პრეზიდენტის საპარლამენტო მდივანი ე.წ. მოსმენების კანონპროექტზე ვენეციის კომისიის განცხადებას ეხმაურება. გიორგი მსხილაძეს მიაჩნია, რომ პარლამენტის მიერ მიღებულია მნიშვნელოვანი კანონი და ახლა შეთანხმება უნდა მოხდეს იმაზე, ქვეყანას პრინციპულად რა სჭირდება. მისი თქმით, საუბარი არ უნდა იყოს ვეტოს დაძლევაზე, არამედ საკითხზე მსჯელობა უნდა გაიმართოს და ისეთი გადაწყვეტილება უნდა იყოს მიღებული, რომლითაც ქვეყნის უსაფრთხოებასა და ადამიანის უფლებებს შორის ზღვარი არ დაიკარგება. შეგახსენებთ, პრეზიდენტმა ე.წ. მოსმენების კანონს ვეტო დაადო. მასზე მსჯელობა საშემოდგომო სესიაზე გაიმართება. საუბარია ცვლილებებზე, რომლის მიხედვით, ფარული საგამოძიებო მოქმედებების ჩატარებასთან დაკავშირებული ვადები ხანგრძლივდება, ხოლო დანაშაულთა წრე, რაზეც ფარული საგამოძიებო მოქმედებების ჩატარება იქნება დასაშვები, იზრდება. ასევე, იცვლება ფარული საგამოძიებო მოქმედების ჩატარების შესახებ ინფორმაციის შესაბამისი პირისთვის შეტყობინების წესი. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.