სომხეთში ვადამდელი საპარლამენტო არჩევნები მიმდინარეობს

სომხეთის ცენტრალური საარჩევნო კომისიის მიხედვით, 14 საათისთვის, ვადამდელ საპარლამენტო არჩევნებში მოქალაქეთა აქტივობა 26,82 პროცენტს შეადგენდა. დაფიქსირდა საარჩევნო უბანზე იარაღით შესვლის ფაქტიც, რაზეც სისხლის სამართლის საქმე უკვე აღიძრა. საკუთარი პოზიცია დააფიქსირა ბლოკ „მაქვს პატივის“ ლიდერმა, ყოფილმა პრეზიდენტმა, სერჟ სარქისიანმა. მოქალაქეობრივი ვალი მოიხადა სომხეთის სამოციქულო ეკლესიის კათოლიკოსმა, გარეგინ მეორემაც. არჩევნებში საკუთარი პოზიცია დილიდან დააფიქსირეს სომხეთის პრემიერ-მინისტრის მოვალეობის შემსრულებელმა, ნიკოლ ფაშნიანმა; ქვეყნის პრეზიდენტმა, არმენ სარქისიანმა და მთავარი ოპოზიციური პარტიის ლიდერმა, რობერტ ქოჩარიანმა. სომხეთის ვადამდელ საპარლამენტო არჩევნებში 21 პარტია და ოთხი ბლოკი იღებს მონაწილეობას. ეროვნულ კრებაში მოსახვედრად პარტიებს ხუთი, ხოლო ბლოკებს შვიდპროცენტიანი ბარიერის გადალახვა მოუწევთ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.