კინოთეატრის გახსნა

საქართველოს კულტურისა და ძეგლთა დაცვის სამინისტროს მიერ, რეგიონებში კინოჩვენებების ხელშეწყობის პროგრამის ფარგლებში, ამა წლის 1 აგვისტოს, თელავის მუნიციპალიტეტის სოფელ კისისხევის კულტურის ცენტრში ახალი კინოთეატრი გაიხსნა. გახსნას ესწრებოდნენ საქართველოს კულტურისა და ძეგლთა დაცვის მინისტრის მოადგილე ბადრი ბაგრატიონ-გრუზინსკი და მინისტრის მრჩეველი გიორგი გეგეჭკორი. კინოთეატრი ახალი ანიმაციური ფილმის ჩვენებით გაიხსნა, რომელიც საქართველოს კულტურისა და ძეგლთა დაცვის სამინისტროს მიერ დაფინანსებული ანიმაციური ფილმების ფეტივალის „ექო თოფუზის" ფარგლებში შედგა. კინოჩვენებაზე დასწრება და 10 პრიზიორი ანიმაციური ფილმის უფასოდ ნახვა, მსურველებს ორი დღის მანძილზე შეეძლებათ. ფესტივალ „ექო თოფუზის" ფარგლებში, ახალ ანიმაციურ ფილმს, 3 დღის მანძილზე, უფასოდ ნახავს ადგილობრივ კინოთეატრებში, საქართველოს 17 რეგიონის 20 000 ზე მეტი ბავშვიც. სამინისტროს მიერ კინოჩვენებებისათვის საჭირო ტექნიკური აპარატურით უკვე აღიჭურვა ფოთის მერიის ფოლკლორის ცენტრი, გორის მუნიციპალიტეტის კულტურის სახლი, თელავის მუნიციპალიტეტის სოფელ კისისხევის კულტურის ცენტრი, ხულოს სახელმწიფო დრამატული თეატრი და მარტვილის მუნიციპალიტეტის კულტურის სახლი. http://www.culture.gov.ge/   / culturegovge   http://twitter.com/#!/CULTUREgovge    / culturegovge   http://www.flickr.com/photos/cultureg... http://www.myvideo.ge/?user_id=855045