დღეს გლოვის დღეა - ქვეყანა ბათუმში საცხოვრებელი კორპუსის ჩამონგრევისას დაღუპულებს გლოვობს

დღეს გლოვის დღეა - ქვეყანა ბათუმში საცხოვრებელი კორპუსის ჩამონგრევისას დაღუპულებს გლოვობს. საქართველოს პირველი არხი სამძიმარს უცხადებს დაღუპულთა ოჯახებს. საქართველოს მთელ ტერიტორიაზე სახელმწიფო უწყებებზე დროშები დაშვებულია, მათ შორის მთავრობის ადმინისტრაციის, პარლამენტის, შინაგან საქმეთა სამინისტროს,  თავდაცვის სამინისტროს შენობებსა და პრეზიდენტის სასახლეზე. ბათუმის ტრაგედიას ცხრა ადამიანის სიცოცხლე ემსხვერპლა. 26 მაისის ქუჩა გლოვისა და სოლიდარობის ადგილია. ჩამონგრეული კორპუსის მიმდებარე ტერიტორია ყვავილებით არის სავსე. ორი დღეა, მოქალაქეები ადგილზე გარდაცვლილთა ხსოვნის პატივსაცემად სანთლებს ანთებენ. ტრაგედიის ადგილზე მიდიან დაღუპული მოზარდების თანაკლასელებიც. ტერიტორიაზე ამ დრომდე რჩებიან სამართალდამცველები. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.