სამხედრო ოპერაცია „მშვიდობის წყარო“

„მოამბის” პირველი კადრები ადგილიდან, რომელიც დღეს მსოფლიოს ყურადღების ცენტრშია. ამ წუთებში ჩვენი გადამღები ჯგუფი თურქეთ-სირიის საზღვარზე იმყოფება. ტერიტორიაზე, საიდანაც რამდენიმე კილომეტრში მეზობელი თურქეთის მიერ დაწყებული სამხედრო ოპერაცია მიმდინარეობს. ასეულობით მსხვერპლი ქურთულ შენაერთებსა და მშვიდობიან მოსახლეობაში და დევნილად ქცეული 300 000-მდე ადამიანი,- ასეთი ვითარებაა ცხელ წერტილში საბრძოლო მოქმედებების დაწყებიდან ერთი კვირის თავზე. საერთაშორისო კრიტიკის მიუხედავად, ერდოღანი უკან დახევას არ აპირებს. სირიის ჩრდილო-აღმოსავლეთში ოპერაცია „მშვიდობის წყარო“ გაგრძელდება მანამ, სანამ ტერიტორია ანკარის მიერ ტერორისტებად მიჩნეული ქურთული შენაერთებისგან არ გაიწმინდება,-ეს თურქეთის პრეზიდენტის გეგმაა. ჩვენი ჟურნალისტი ლიკა ალელიშვილი, ოპერატორი გიორგი კიკვაძე და ფოტოგრაფი ირაკლი გედენიძე თურქეთის ქალაქ აქჩაყალეში განთავსებულ მედიაცენტრში მუშაობენ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.