სასულიერო პირის ინფიცირების შემთხვევა

სასულიერო პირის ინფიცირების პირველი შემთხვევა დაფიქსირდა. „კოვიდ-19“ ვერაზე მდებარე წმინდა იოანე ღვთისმეტყველის სახელობის ეკლესიის მოძღვარს დაუდასტურდა.  ჯერ კიდევ წინა კვირას მღვდელი ღვთისმსახურებას ატარებდა, მან ბოლოს წირვა ხარების მეორე დღეს, 8 აპრილს ჩაატარა. „მოამბესთან“ სატელეფონო საუბრისას ინფიცირებული ჰყვება, რომ კორონავირუსისთვის დამახასიათებელი სიმპტომები შვიდ აპრილს, საღამოს დაეწყო. რაც შეეხება ინფიცირების წყაროს - მოძღვრის და იმ კლინიკის ექთანია, სადაც ბოლო დღეებში „კოვიდ 19“-ის უკვე ხუთი ფაქტია გამოვლენილი. თუმცა, დაუდგენელია, დამ დააინფიცირა ძმა, თუ - პირიქით. ვირუსი დაუდგინდა საპატრიარქოს გარე პერიმეტრის დაცვის თანამშრომელსაც, რომელიც კასპის რაიონის სოფელ ხოვლეში ცხოვრობს. ჯერ უცნობია, მოახდენს თუ არა სასულიერო პირის დაინფიცირების ფაქტი რაიმე გავლენას აღდგომის ღამის ლიტურგიაზე: საპატრიარქო ღვთისმსახურებასთან დაკავშირებით გადაწყვეტილებას ხვალ გამოაცხადებს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.