ევროპარლამენტის რეზოლუციის პროექტი

სტრასბურგში ხვალ საქართველოსთვის მნიშვნელოვანი კენჭისყრა იგეგმება. ევროპარლამენტის სესიაზე გადის რეზოლუციის პროექტის კომპრომისული ვერსია, რომელიც პერსონალურად მიხეილ სააკაშვილის ჯანმრთელობას ეხება. სხვადასხვა პოლიტიკურ ჯგუფს შორის შეჯერებულ დოკუმენტში საკმაოდ მწვავე გზავნილები და ხელისუფლების მისამართით პირდაპირი მოწოდებებია. პროექტის ავტორები „ქართულ ოცნებას“ ყოფილი პრეზიდენტის ჯანმრთელობის საკითხზე არაადეკვატურ რეაგირებაში ადანაშაულებენ და ჰუმანიტარულ საფუძველზე მის უცხოეთის კლინიკაში გადაყვანას ითხოვენ. მიმართვაა პრეზიდენტის მიმართაც, რომ მან შეწყალების მექანიზმი გამოიყენოს. ხაზგასმულია ევროკავშირის კანდიდატის სტატუსის შესაძლო შეზღუდვის საფრთხეც. არანაკლებ მძიმეა რეაქციები თბილისიდან. მმართველი გუნდი სარეკომენდაციო ხასიათის მქონე ბოლოდროინდელი რეზოლუციების ავტორ ევროპარლამენტართა ცალკეულ ჯგუფს „ნაციონალური მოძრაობის“ სასარგებლოდ პოლიტიკური ინტერესების გატარებაში სდებენ ბრალს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.