შეწყდეს ნამოხვანის ჰესების კასკადის მშენებლობა - აქცია პარლამენტთან
02/01/2021
Mtisambebi / მთის ამბები-ის
მიერ
© https://mtisambebi.ge/ - შეწყდეს მდინარე რიონზე დაგეგმილი ჰიდროელექტროსადგურების - ონისა და ნამოხვანის ჰესების მშენებლობა - ამ მოთხოვნით, თბილისში, საქართველოს პარლამენტის შენობასთან საპროტესტო აქცია გაიმართა. აქციის ორგანიზატორებმა 10 ათასზე მეტი ხელმოწერით პეტიცია წარადგინეს პარლამენტში. ხელმომწერები ითხოვენ დაუყოვნებლივ შეიქმნას რაჭის ეროვნული პარკი, სადაც სხვა ეკოსისტემებთან ერთად, დაცული იქნება მდინარე რიონი და მისი შენაკადები. ასევე, მთავრობამ შეწყვიტოს საქართველოს მაღალმთიან რეგიონებში რისკის შემცველი პროექტების განხორციელება, რომლებიც საფრთხეს უქმნის ბუნებრივ ეკოსისტემებს, მდინარეებს და აფერხებს მაღალმთიანი რეგიონების მდგრად განვითარებას.
