კორონავირუსი - პრევენციული ღონისძიებები

ორშაბათს უნდა გახდეს ცნობილი, რა ტიპის ვირუსი აქვს ინფექციურ საავადმყოფოში მყოფ ორ პაციენტს. კორონავირუსის ეპიცენტრში, ქალაქ უხანში ნამყოფი ქალის და ჩინეთიდან ჩამოსული მამაკაცის ბიოლოგიური მასალა გერმანიაში სადიაგნოსტიკოდაა გადაგზავნილი. აქ ჩატარებულმა კვლევებმა აჩვენა, რომ მათ არ აღენიშნებათ არცერთი ვირუსის იმ 20-მდე ტიპიდან, რომლებზეც საქართველოში ტესტი კეთდება.  რამდენიმე საათში უხანში დაფრინდება ანკარიდან გაფრენილი ლაინერი, რომელმაც ვირუსის ეპიცენტრიდან თურქეთის გარდა საქართველოს მოქალაქეებიც უნდა გამოიყვანოს. გადაწყდა, რომ ყველა მათგანი საკარანტინო პერიოდს თურქეთში გაატარებს. დღეიდან საქართველო სხვა ქვეყნების მსგავსად დაავადებასთან საბრძოლველად გამკაცრებულ რეგულაციებს ელოდება. ეს მას შემდეგ, რაც მსოფლიო ჯანდაცვის ორგანიზაციამ ახალი ტიპის კორონავირუსი გლობალურ საფრთხედ გამოაცხადა.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.