„პატრიოტთა ალიანსის“ საარჩევნო ბანერი

29.08.2020

პირველი არხი Georgian Public Broadcaster

არხი

„პატრიოტთა ალიანსის“ წინასაარჩევნო ბანერი პოლიტიკური კრიტიკის მიზეზი გახდა. გონიოში განთავსებული პლაკატი დღეს პარტია „ლელო საქართველოსთვის“ წარმომადგენლებმა პროტესტის ნიშნად ჩამოხსნეს. სააგიტაციო მასალაზე საქართველოს ოკუპირებული რეგიონების მსგავსად, წითლად გაფერადებული იყო აჭარის ავტონომიური რესპუბლიკაც. ბანერს აქვს წარწერა „დაიცავი აჭარა! დაიცავი შენი წილი საქართველო!“. „პატრიოტთა ალიანსის“ ბანერს უარყოფითი შეფასებები მოჰყვა სოციალურ ქსელში. მმართველი გუნდიდან ირაკლი კობახიძემ პარტიას შმატრიოტები უწოდა. მამუკა მდინარაძემ კი საკუთარ გვერდზე დაწერა, რომ თავდაპირველად ბანერი ფეიკი ეგონა „ეს არის რუსეთის დაკვეთა საქართველოს წინააღდეგ“ - აცხადებს მდინარაძე. პოლიტიკური პარტიის სხვა ანალოგიური ბანერები მუნიციპალიტეტის დავალებით ჩამოიხსნა. საკითხს ეხმაურებიან „პატრიოტთა ალიანსში“, სადაც თურქეთის ეკონომიკურ ექსპანსიაზე ლაპარაკობენ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი - / georgianpb ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.

გაზიარება: