კონკურენციის სააგენტოს დასკვნა

კონკურენციის სააგენტომ ფარმაცევტული ბაზრისთვის 13 რეკომენდაცია მოამზადა. რეკომენდაციები შეეხება ჯენერიკების პოპულარიზაციას, ელექტრონული რეცეპტის სისტემის დანერგვას, ფარმაცევტის საქმიანობის ეფექტიან რეგულირებას, მედიკამენტების ხარისხს, სანქცირების მექანიზმის გამკაცრებასა და ეფექტიან კონტროლს. კონკურენციის სააგენტოს მიერ ჩატარებული ფარმაცევტული ბაზრის კვლევა უკვე გასაჯაროვდა. კვლევის მიხედვით საქართველოში ერთ-ერთი მთავარი პრობლემა არის მედიკამენტებზე მაღალი ფასნამატი, რომელიც რიგ შემთხვევებში აჭარბებს 200 %-ს. ერთ-ერთ მთავარ გამოწვევად რჩება მოქალაქეების ინფორმირება. ფარმაცევტული კომპანიების ან სააფთიაქო ქსელების მხრიდან არ ხდება მომხმარებლისთვის ჯენერიკი მედიკამენტების შესახებ ინფორმაციის მიწოდება. შესაბამისად, მომხმარებელი ერთი და იგივე დანიშნულების წამალს უფრო ძვირად ყიდულობს, ვიდრე ჯენერიკის შემთხვევაში იქნებოდა. ასევე პრობლემად სახელდება ექიმებისა და ფარმაცევტული კომპანიების შესაძლო გარიგების ფაქტები. როგორც სააგენტოში აცხადებენ, ისინი აქტიურად ჩაერთვებიან პრობლემური მიმართულებების მოსაგვარებლად შესაბამისი საკანონმდებლო ცვლილებების შემუშავებაში. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.