„ალ ქაიდას“ ლიდერის ლიკვიდაცია ქაბულში

ამერიკის სპეცოპერაციის შედეგად, „ალ ქაიდას“ ლიდერი აიმან ალ ზავაჰირი მოკლეს. ინფორმაციას ჯო ბაიდენი ადასტურებს. ალ ზავაჰირი ქაბულში აშშ-ის ცენტრალური სადაზვერვო სააგენტოს მიერ ჩატარებული ანტიტერორისტული ოპერაციის შედეგად იქნა ლიკვიდირებული. ის ერთ-ერთი სახლის აივანზე დრონით განხორციელებული სარაკეტო დარტყმის შედეგად მოკლეს. აშშ-ის ხელისუფლების წარმომადგენელთა ცნობით, ადგილზე იმყოფებოდნენ ტერორისტული დაჯგუფების ლიდერის ოჯახის წევრებიც, თუმცა ისინი უვნებლები გადარჩნენ. როგორც სიტყვით გამოსვლისას ჯო ბაიდენმა აღნიშნა, ალ ზავაჰირიმ დატოვა ამერიკელი ხალხის წინააღმდეგ მკვლელობისა და ძალადობის კვალი. ზავაჰირიმ „ალ ქაიდას“ ხელმძღვანელობა 2011 წელს, ოსამა ბინ ლადენის ლიკვიდაციის შემდეგ გადაიბარა და ის აშშ-ის მიერ ძებნილი ნომერ პირველი ტერორისტი იყო. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.