დაპირისპირება „ნაციონალურ მოძრაობაში“

„ნაციონალურ მოძრაობაში“ შიდა დაპირისპირება გრძელდება. მხარეებს შორის შეთანხმება არც პარტიის ახალი თავმჯდომარის არჩევის შემდეგ მოგვარდა. ლევან ხაბეიშვილის მომხრეებმა ისე ჩაატარეს პარტიის ყრილობა, რომ შეკრებას ნიკა მელიას ფრთა არც კი ესწრებოდა. ახალი თავმჯდომარის პირობებში პარტიის ხელმძღვანელობამ, რომელსაც მათი ნაწილის განცხადებით, ვანო მერაბიშვილი და დავით კეზერაშვილი მართავენ, ახალი პოლიტსაბჭოც დაამტკიცა. იმის მიუხედავად, რომ პარტიის პოლიტსაბჭოს უფლებამოსილება მარტში ეწურებოდა, როგორც გაირკვა, საბჭოს ახალი შემადგენლობის დაკომპლექტება ნაადრევად და შეცვლილი წესით მოხდა. გადაწყვეტილების შედეგად საბჭოში თანამდებობები დაატოვებინეს ნუგზარ წიკლაურს, გიორგი პატარაიას და თავად ნიკა მელიასაც. რამდენიმე წევრმა კი საბჭო პროტესტის ნიშნად დღეს დატოვა. მიღებულ გადაწყვეტილებებს განსაკუთრებით მწვავე კრიტიკა მოჰყვა სოციალურ ქსელში. პარტიის განაწყენებული წევრები მოქმედ ხელმძღვანელობას ჩრდილოვან მმართველობაში ადანაშაულებენ და ღირსებისა და სიმართლის მნიშვნელობაზე მიუთითებენ.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.