ხარვეზები ენერგომომარაგებაში

საგანგებო რეჟიმში მუშაობს დასავლეთ საქართველოში „ენერგო-პრო ჯორჯია“. ამ დროისთვის აბონენტების ნაწილს უკვე აღუდგა ენერგომომარაგება. ტექნიკური ბრიგადები მაღალი და დაბალი ძაბვის ელექტროგადამცემი ხაზების აღდგენაზე მუშაობენ. განსაკუთრებით რთული მდგომარეობაა ხარაგაულში, სადაც კომპანიის დამატებითი ბრიგადები აღმოსავლეთ საქართველოდან ჩავიდნენ. ყინულმა აქ მაღალი ძაბვის სამი ელექტროგადამცემი ხაზი დააზიანა. „ენერგო-პრო ჯორჯია“ მუშაობის განსაკუთრებულ რეჟიმზეა გადასული ასევე წალენჯიხაში და ყველა იმ მუნიციპალიტეტში, სადაც უამინდობამ ენერგო-ინფრასტრუქტურა დააზიანა, მათ შორის ზემო აჭარაშიც, სადაც ელექტროენერგია შეზღუდვით სოფლების მხოლოდ მცირე ნაწილს მიეწოდება. აბონენტების უმრავლესობას ელექტროენერგია ეტაპობრივად, დღის ბოლომდე უნდა აღუდგეს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.