ეპიდვითარება და ვაქცინაციის მაჩვენებელი

ეპიდემიოლოგიური ვითარება ყოველდღე უარესდება. სააღმზრდელო და სასწავლო პროცესის განახლებიდან მეხუთე დღეს მარტო თბილისში კორონავირუსის შემთხვევების გამო 30-მდე საბავშვო ბაღი დაიხურა. ბავშვების ინფიცირების გამო ონლაინ-რეჟიმზე გადავიდა არაერთი კლასი. ინფიცირებულთა დღევანდელმა რაოდენობამ 2 700-ს მიაღწია, რაც წინა კვირების მაჩვენებლებს მკვეთრად აღემატება. მარტო ბოლო ერთ კვირაში აქტიური შემთხვევების რაოდენობა 5 000-ით არის გაზრდილი. ამ ფონზე სულ უფრო იკლებს ვაქცინაციაზე მიმართვის მაჩვენებელი. მობილური ჯგუფები სოფლებში, ფინანსური წახალისება ოჯახის ექიმებისთვის და იმუნიზაციის პროცესში ადგილობრივი თვითმმართველობების ჩართვა - სახელმწიფო მეხუთე ტალღის სიმძიმის პრევენციას ვაქცინაციის დაჩქარებით ცდილობს. ექიმების აქტიური მოწოდებების მიუხედავად, საკოორდინაციო საბჭო რამდენიმე სფეროსთვის აცრის სავალდებულო წესის დანერგვას არ ჩქარობს.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.