ვითარება დავით გარეჯში - პოლიტიკური განცხადებები

დავით გარეჯის საკითხის განხილვას პოლიტიკური დებატები მოჰყვა პარლამენტში. მმართველი გუნდი ორმხრივი სამთავრობო კომისიის მუშაობას ოპტიმისტურად უყურებს, ოპონენტებს საკითხის სენსიტიურობას ახსენებს და მრავალწლიანი პრობლემის მშვიდობიანად მოგვარებას ელოდება, თუმცა არ უარყოფს, რომ დიალოგის პროცესში სირთულეებია. სწორედ მოლაპარაკებების პროცესის მიმართ აქვს კითხვები ოპოზიციის ნაწილს, რომელმაც დღეს პარლამენტში ორმხრივი კომისიის მისვლა მოითხოვა. დეპუტატებს აინტერესებთ, კონკრეტულად რომელ სადავო მონაკვეთებზე მიმდინარეობს დიალოგი და რა წინადადებები აქვს ქართულ მხარეს. საქართველო-აზერბაიჯანს შორის საზღვრის დელიმიტაცია-დემარკაციის პრობლემაზე მსჯელობა 1996 წლიდან დაიწყო. სწორედ სადავო სასაზღვრო ზონის გამო, სხვადასხვა დროს დავით გარეჯის სამონასტრო კომპლექსის ტერიტორიაზე, აზერბაიჯანელი მესაზღვრეების მხრიდან, გადაადგილების კუთხით შეზღუდვები რამდენჯერმე დაწესდა. ბოლო ასეთი შემთხვევა აპრილში მოხდა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.