მაშველებმა ომალოდან შეუძლოდ მყოფი ორი ადამიანი ჩამოიყვანეს

მაშველებმა ომალოდან შეუძლოდ მყოფი ორი ადამიანი ჩამოიყვანეს. ახმეტის მუნიციპალიტეტის სოფელ ომალოში მეცხვარეებთან ერთად, აშშ-ის მოქალაქე ფოტოგრაფი იმყოფებოდა, რომელიც შეუძლოდ გახდა და საავადმყოფოში გადასაყვანად მაშველების დახმარება ესაჭიროებოდა. ასევე, ომალოს მიმდებარედ, მთაში იმყოფებოდა მწყემსი, 61 წლის მოქალაქე, რომელსაც ჯანმრთელობის მდგომარეობის გაუარესების გამო, ასევე, ესაჭიროებოდა სასწრაფო სამედიცინო დახმარების აღმოჩენა. აღნიშნულ ლოკაციებზე საავტომობილო გზის არარსებობის გამო, შეტყობინებებზე რეაგირება საგანგებო სიტუაციების მართვის სამსახურის განსაკუთრებულ სიტუაციებზე რეაგირების სამაშველო ჯგუფმა მოახდინა. ომალოს მიმართულებით, მეხანძრე-მაშველები სასაზღვრო პოლიციის ვერტმფრენით თბილისიდან გავიდნენ. მეხანძრე-მაშველების მიერ ორივე მოქალაქე გადაყვანილია სამედიცინო დაწესებულებაში, სადაც ექიმები შესაბამის დახმარებას აღმოუჩენენ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.