არჩევნები და დაპირისპირება „ნაციონალურ მოძრაობაში“

საათები რჩება „ნაციონალურ მოძრაობაში“ დანიშნულ შიდა არჩევნებამდე. ხვალ და ზეგ 50 000-მდე რეგისტრირებულმა ამომრჩეველმა პარტიის ახალი თავმჯდომარე უნდა აირჩიოს. მოქმედი თავმჯდომარის, ნიკა მელიას მთავარი კონკურენტი ლევან ხაბეიშვილია, რომელმაც დღეს 12-პუნქტიანი სამოქმედო გეგმა წარმოადგინა. გეგმის პირველივე პუნქტი მიხეილ სააკაშვილის გათავისუფლების კომიტეტის გახსნას გულისხმობს, ხაბეიშვილის ბრძოლის სტრატეგია მთელი ქვეყნის მასშტაბით წინააღმდეგობის გაძლიერებას და პარტიის შიგნით ცვლილებებს მოიცავს. გეგმას არასერიოზულად მიიჩნევს და კონკურენტის გამარჯვების შემთხვევაში არაფორმალური გავლენების გაძლიერებას ელოდება ნიკა მელიას გუნდი, რომელიც ვანო მერაბიშვილს და დავით კეზერაშვილს კულისებიდან გამოსვლისკენ მოუწოდებს. უცნობია, იგულისხმა თუ არა სწორედ ისინი დღეს ხაბეიშვილის მხარდამჭერმა პეტრე ცისკარიშვილმა, რომელმაც პარტიაში ბევრი წონიანი ფიგურის დაბრუნებაც დააანონსა.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.