ჯო ბაიდენის განცხადება

ამერიკა უკრაინას დამატებით კიდევ 800 მილიონი დოლარის ღირებულების შეიარაღებას მიაწვდის. „სიენენის“ ცნობით, ამის შესახებ ჯო ბაიდენმა ზელენსკის სატელეფონო საუბრისას აცნობა. როგორც პენტაგონის პრესსპიკერი ჯონ კირბი განმარტავს, დახმარების პაკეტი საარტილერიო სისტემებს, ჭურვებსა და ჯავშანტექნიკას, ასევე ვერტმფრენებს მოიცავს, რაც აღმოსავლეთ უკრაინაზე რუსეთის მოსალოდნელი ფართომასშტაბიანი იერიშისთვის წინააღმდეგობის გასაწევად იქნება საჭირო. როგორც „სიენენი“ წერს, ამ დამატებითი 800 მილიონის შემდეგ, საერთო ჯამში შეერთებული შტატების მიერ უკრაინის დასახმარებლად გამოყოფილი თანხის ოდენობამ 2 მილიარდ 400 მილიონ დოლარს მიაღწია. ჯო ბაიდენმა ასევე მოუწოდა სხვა ქვეყნებს, გაზარდონ უკრაინის დახმარება. ასევე ვრცელდება ინფორმაცია, რომ თეთრი სახლი უკრაინაში მაღალჩინოსნის გაგზავნის საკითხს განიხილავს. ეს სავარაუდოდ, ამერიკის სახელმწიფო მდივანი ენტონი ბლინკენი ან თავდაცვის მდივანი, ლოიდ ოსტინი იქნება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.