მიხაილ პოდოლიაკის განცხადება

როგორ შეიცვალა რუსეთის პოზიციები უკრაინისთვის წაყენებულ მოთხოვნებზე. უკრაინის პრეზიდენტის ოფისის ხელმძღვანელის მრჩევლის, მიხაილ პოდოლიაკის განცხადებით, „ისინი მთლიანობაში დაკორექტირდა. პირველი კვირანახევარი საჯარო განცხადებები ისტერიკის ზღვარზე იყო. ახლა ჩვენ გვესმის ბევრად ზომიერი, თავშეკავებული და რეალისტური განცხადებები. მათი ზოგადი მიდგომა უფრო მიწაზე დაშვებული გახდა. ისინი უკვე აღარ ამბობენ: „მოაშორეთ ნაცისტები“, რადგან ისინი არ არიან“, – განაცხადა მიხაილ პოდოლიაკმა. მისი თქმით, ინტერვენციის დაწყებამ უკრაინა ტოტალურად ანტირუსული გახადა. პოდოლიაკი გამოცემა „მედუზასთან ინტერვიუში ასევე საუბრობს უსაფრთხოების გარანტიებზე და ნატო-სთან ურთიერთობაზე. მისი განცხადებით, უკრაინას არ აწყობს უსაფრთხოების ძველი სისტემა, სადაც დომინანტი როლი ნატო-ს უჭირავს. მისი თქმით, აუცილებელია ახალი ალიანსის შექმნა და უკრაინის უსაფრთხოების გარანტიებზე რუსეთთან უნდა გაფორმდეს მრავალმხრივი შეთანხმება, რომლის მონაწილეებიც იქნებიან ისეთი ქვეყნები, რომლებსაც საერთო ჯამში რუსეთის ანალოგიური ბირთვული წონა გააჩნია. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.