უცხოური: ტიმბერლეიკმა ფანს ტელეფონი წაართვა, ნაომი კემპბელი და ფოტოშოპი, ვინი ჰარლოუს ფოტოსესია

* ნიუარკში გამართულ კონცერტზე ჯასტინ ტიმბერლეიკმა მის გარშემო შეკრებილი თაყვანისცემლები გაახალისა. კონცერტის მსვლელობის დროს ერთ-ერთ მსმენელს მან მოულოდნელად გამოართვა ტელეფონი. ჯასტინმა საკუთარი თავისა და გარშემომყოფების გადაღება დაიწყო, მოგვიანებით კი ვიდეო საკუთარ „ინსტაგრამზე“ განათავსა და დააწერა: „თუ სცენასთან ძალიან ახლოს დადგებით, შესაძლოა, თქვენი ტელეფონი მოვიპარო“. როგორც ცნობილია, საბოლოოდ ტელეფონის მეპატრონეს დაუბრუნდა. * ნაომი კემპბელმა „ინსტაგრამზე“ გამოაქვეყნა ფოტო, რომელმაც მის თაყვანისმცემლებში აღშფოთება გამოიწვია: მათი თქმით, ფოტოზე მოდელის ცნობა შეუძლებელია, იმდენად დიდი დოზით არის მასზე ფოტოშოპი. თუმცა გამოჩნდნენ ისეთებიც, ვინც ნაომის ფოტორედაქტირება მოწონეს და განაცხადეს, რომ სუპერმოდელი ნებისმიერ შემთხვევაში შეუდარებელია. * 23 წლის მოდელი, ვინი ჰარლოუ დუბაიში ისვენებს. ლამაზმანი და მისი მეგობარი ფოტოგრაფი ფოტოსესიებს აწყობენ, შედეგი კი „ინსტაგრამზე“ ქვეყნდება. მოდელი ცნობილი თავისი განსაკუთრებულობით გახდა: ვინი კანის პიგმენტაციის დარღვევით დაიბადა. სწორედ ვიტილიგო გახდა ის ძირითადი მიზეზი, რის გამოც ის მსოფლიოში ერთ-ერთი ყველაზე მოთხოვნადი მოდელია. ახალ ფოტოებზე ჰარლოუ თეთრეულის კომპლექტში გამოწყობილი ოკეანის ფონზე პოზირებს და არამარტო არაჩვეულებრივ სხეულს, არამედ უჩვეულო კანსაც უსვამს ხაზს. ________________________ Official Site - http://www.musicbox.ge/ MyVideo - http://www.myvideo.ge/?user_id=921478 Facebook -   / musicboxgeorgia   Twitter - https://twitter.com/#!/musicboxge #MusicBox #News #სიახლეები