საკანონმდებლო ცვლილებების პროექტი

პოლიტიკური ვნებათაღელვის საგანი ხდება მმართველი გუნდის მიერ ინიცირებული მორიგი საკანონმდებლო ცვლილებები.
განსაკუთრებით მძიმე რეაქციები 21 წლის წინ მიღებული სიტყვისა და გამოხატვის თავისუფლების შესახებ კანონის შეცვლას მოჰყვა. იცვლება მთელი რიგი რეგულაციები - ერთ-ერთი მთავარი სიახლეა, რომ კანონპროექტის მიხედვით, ცილისწამებაზე დავის შემთხვევაში მტკიცების ტვირთი იმ ადამიანს დაეკისრება, რომელმაც კონკრეტულ ადამიანზე სადავო ინფორმაცია გაავრცელა. მცირდება საქმის განხილვის ვადაც, ასევე ცილისწამების განმარტება. დაგეგმილია რამდენიმე მუხლის საერთოდ ამოღება, ასევე სხვა ფორმით რეგულირება - მათ შორის, საჯარო სივრცეში შეურაცხყოფა. დაანონსებული ცვლილებები ხელისუფლების ოპონენტების მხრიდან უკვე შეფასდა, როგორც ადამიანის უფლებების დაცვის სტანდარტების შეზღუდვა. იცვლება საერთო სასამართლოების შესახებ კანონიც. განსაკუთრებული კრიტიკა პროექტის იმ ნაწილს მოჰყვა, რომელიც მედიას სასამართლო პროცესების გაშუქების დროს ახალ რეგულაციებს უწესებს. 

ეწვიეთ ჩვენს საიტს - https://1tv.ge/
მოიწონეთ ჩვენი გვერდი - https://www.facebook.com/1stchannel.1tv.ge
გამოიწერეთ ჩვენი არხი - https://www.youtube.com/user/GeorgianPB/
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.