მორიგი კიბერთავდასხმა ტელეკომპანიებზე

მორიგი კიბერთავდასხმა მოხდა ტელეკომპანია „იმედისა“ და „მაესტროს“ კომპიუტერულ მონაცემებზე. არხის ტექნიკური და იურიდიული სამსახურების ინფორმაციით, მასალების წაშლა გუშინ გვიან ღამით დაიწყო. კიბერთავდასხმის შედეგად, შიდა ქსელთან და ინტერნეტთან წვდომა შეწყდა. ტელეკომპანია „მაესტროში“ ამბობენ, რომ დღეს მაუწყებლობა შეზღუდული იქნება და კიბერთავდასხმის გამო მიმდინარე მასალები ეთერში ვერ მოხდება. არხზე ამ დროისთვის პრობლემის აღმოფხვრას ცდილობენ. კიბერთავდასხმა ტელევიზიის სერვერებზე თავდაპირველად 28 ოქტომბერს მოხდა. მიმდინარეობს გამოძიება ორი მუხლით, რაც კომპიუტერული მონაცემების უნებართვო შეცვლას, დაზიანებასა და კომპიუტერულ მონაცემებში უნებართვოდ შეღწევას გულისხმობს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.