Reuters: ავღანეთში ISIS-ის ლიდერი მოკლეს

26.08.2018 00:43

პირველი არხი Georgian Public Broadcaster

არხი

ავღანეთში „ისლამური სახელმწიფოს“ ლიდერი მოკლეს. აღნიშნულ ინფორმაციას Reuters-იცენტრალური აზიის სახელმწიფოს მთავრობაზე დაყრდნობით ავრცელებს. ტერორისტული დაჯგუფების ავღანური ფრთის ხელმძღვანელის, აბუ საად არჰაბის ლიკვიდაცია ნანგარჰარის პროვინციაში, ქვეყნის შეიარაღებული ძალების მიერ განხორციელებული საჰაერო და სახმელეთო ოპერაციის დროს მოხერხდა. არსებული ინფორმაციით, ავღანეთის შეიარაღებულ ძალებს ტერორისტის ადგილმდებარეობის შესახებ ქვეყნის ეროვნული უსაფრთხოების სამმართველომ აცნობა. ოპერაციის დროს აბუ საად არჰაბისთან ერთად 10 რადიკალის ლიკვიდაციაც მოხერხდა. Reuters-ის ცნობით, რეიდის დროს ტერორისტული დაჯგუფების სამყოფელიდან დიდი რაოდენობით ცეცხლსასროლი იარაღი ამოიღეს. მომხდართან დაკავშირებით ტერორისტების მიერ კონტროლირებად საინფორმაციო სააგენტო Amaq-სკომენტარი ჯერ არ გაუკეთებია. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchanne... გამოიწერეთ ჩვენი არხი - / georgianpb

გაზიარება: