მძიმე ეპიდემიოლოგიური ვითარება საქართველოში

კლინიკების გადატვირთვისა და ყოველდღე ათასობით ახალი შემთხვევის მიუხედავად, ახალი შეზღუდვები ჯერ არ დაწესებულა. გადაწყვეტილების მისაღებად მთავრობა ბიზნესსექტორთან კონსულტაციებს გადის. წინა დღეებთან შედარებით, დღეს კოვიდ-19-ით ინფიცირებულთა რაოდენობამ შედარებით დაიკლო და 3 128 შემთხვევა გამოვლინდა, თუმცა გასათვალისწინებელია ის ფაქტორი, რომ გუშინ „პისიარ“ ტექნოლოგიით მხოლოდ 4 800-მდე ადამიანი დატესტეს. ქვეყანა დაავადების გავრცელების კრიზისულ ფაზაშია და ამ ფაზის გაგრძელებას ეპიდემიოლოგები დეკემბერშიც ვარაუდობენ. დღითი-დღე იზრდება იმ ადამიანთა რაოდენობა,  ვინც კორონავირუსის მძიმე მიმდინარეობის მიუხედავად, ადგილების არ არსებობის გამო, საავადმყოფოში მკურნალობას ვერ ახერხებს. მძიმე ეპიდვითარების ფონზე ცნობილი ხდება, რომ კოვიდ-19-ის საწინააღმდეგო ვაქცინის ტრანსპორტირებისა და შენახვისთვის ინფრასტრუქტურის მომზადებაზე მუშაობა უკვე დაწყებულია. ვაქცინა ხელმისაწვდომი გაზაფხულიდან იქნება. მანამდე კი, ვირუსთან ბრძოლის მთავარ იარაღად ისევ პირბადე და სოციალური დისტანცია რჩება.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.