სანაპირო ზოლის დასუფთავება

გურია დამსვენებლებს მოწესრიგებული სანაპირო ზოლით ხვდება. გურიის რეგიონის შავი ზღვის სანაპირო ზოლის მოვლისა და დასუფთავების სამუშაოებისთვის რეგიონული განვითარებისა და ინფრასტრუქტურის სამინისტროს შპს „საქართველოს მყარი ნარჩენების მართვის კომპანიამ“ 180-მდე ადგილობრივი მცხოვრები დაასაქმა. კომპანიამ სანაპირო ზოლის მოვლის სამუშაოების ხარისხისა და ეფექტიანობის გაზრდის მიზნით, დამატებით ქვიშის საცრელი სამი სპეციალური მანქანა-დანადგარი და სამი ახალი ტრაქტორი შეიძინა. გრიგოლეთში სამუშაოები რეგიონული განვითარებისა და ინფრასტრუქტურის მინისტრის მოადგილემ, მზია გიორგობიანმა მუნიციპალიტეტის წარმომადგენლებთან ერთად დაათვალიერა. მათ ასევე მოინახულეს ურეკის ნარჩენების გადამტვირთავი სადგური, რომელზეც ამჟამად რებილიტაცია-კეთილმოწყობის სამუშაოები მიმდინარეობს. გადამტვირთავი სადგურის კეთილმოწყობის პროექტის ღირებულება დაახლოებით 165 ათასი ლარია. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.