ხელოვნების ისტორიკოსი დიმიტრი თუმანიშვილი დღეს დაკრძალეს

ხელოვნების ისტორიკოსი დიმიტრი თუმანიშვილი დღეს ლურჯი მონასტრის სახელით ცნობილი წმინდა ანდრია პირველწოდებულის სახელობის ეკლესიასთან დაკრძალეს. მანამდე კი ცნობილ ხელოვნებათმცოდნეს კოლეგები და მეგობრები დაემშვიდობნენ. გარდა ამისა, ტაძარში საქართველოს კათოლიკოს-პატრიარქის მოსაყდრემ, მეუფე შიომ პატრიარქის სამძიმრის წერილი წაიკითხა. დიმიტრი თუმანიშვილი წლების განმავლობაში გიორგი ჩუბინაშვილის სახელობის ქართული ხელოვნების ისტორიისა და ძეგლთა დაცვის კვლევის ეროვნული ცენტრის აკადემიური საბჭოს თავმჯდომარე იყო. 1999-2006 წლებში ქართული ხელოვნების ისტორიის ინსტიტუტის დირექტორის მოადგილე იყო, ასევე მუშაობდა სამხატვრო აკადემიასა და თბილისის სასულიერო აკადემიაში. ცნობილი ქართველი მეცნიერი 69 წლის ასაკში გარდაიცვალა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.