სიძულვილის ენა, ძალადობისკენ მოწოდებები და პოლიტიკა

სიძულვილის ენა და გამართლებული ძალადობა: სკანდალური განცხადებების გამო, „ქართული ოცნებიდან“ წასული ყოფილი დეპუტატი ყურადღების ცენტრში კიდევ ერთხელ ექცევა. საკმაოდ დიდი ვნებათაღელვა და რეზონანსი გამოიწვია კოალიცია „ცვლილებებისთვის“ წევრ, გედევან ფოფხაძის ბოლო გამოსვლამ, სადაც მან ადამიანის მოკვლა, კერძოდ, მისთვის ბენზინის გადასხმა და დაწვა, გაამართლა. მმართველი გუნდის ყოფილ წევრს არც ის დაუმალავს, რომ ყოფილი თანაგუნდელების ფიზიკური განადგურება არ ეწყინება. მსგავსი განცხადებები ნეპალში განვითარებულ მძიმე მოვლენებსა და საქართველოში არსებულ სიტუაციას შორის პარალელების გავლებას მოჰყვა. ფოფხაძეს მმართველი პარტიის ლიდერების მისამართით არც უმძიმესი ეპითეტები დაუკლია და საკუთარი სიძულვილი მათი ქცევების საპასუხო ბუნებრივი რეაქციით ახსნა. ძველი თანაგუნდელის განცხადებებს ფაშიზმის გამოვლინებად აცხადებს ხელისუფლება. მმართველი პარტია ე.წ. ლიბერალურ ფაშიზმზე და მის ქართველ მიმდევრებზე საკუთარ პოზიციას კიდევ უფრო იმყარებს იმ რეაქციებით, რაც, მათ შორის საქართველოში, ამერიკელი კონსერვატორის, ჩარლი კირკის მკვლელობას მოჰყვა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/1stchannel.1tv.ge გამოიწერეთ ჩვენი არხი - https://www.youtube.com/user/GeorgianPB/ ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.