შსს-მ არასრულწლოვნების ვაჭრობის ბრალდებით უკრაინის მოქალაქე დააკავა

არასრულწლოვნებით ვაჭრობის ბრალდებით, უკრაინელი ქალი დააკავეს, რომელმაც საქართველოში 10 მცირეწლოვანი ჩამოიყვანა. განცხადებას შინაგან საქმეთა სამინისტრო ავრცელებს. ბრალდებული რუსეთიდან 8 აპრილს ჩამოვიდა და აფხაზეთის ოკუპირებულ  ტერიტორიაზე გადასვლას აპირებდა. ე.წ. საზღვრის გადაკვეთამდე ბრალდებულმა სამეგრელოში დროებითი საცხოვრებელი იქირავა, სადაც ბავშვებთან ერთად რამდენიმე დღეს  გაჩერდა. გამოძიების ფარგლებში მოპოვებული დოკუმენტაციის მიხედვით, 10-ვე ბავშვი დაკავებულის შვილია და მის გვარს ატარებს. თუმცა, მცირეწლოვნებიდან 4  2017 წელს არის დაბადებული. სწორედ ამ ფაქტმა გააჩინა ტრეფიკინგის საფუძვლიანი ეჭვი. მოწმეთა გამოკითხით  დადგინდა, რომ ბრალდებული ბავშვებს აგრესიულად ექცეოდა და არასათანადო  პირობებში ამყოფებდა, რის გამოც გაიცა შემაკავებელი ორდერები. მოწმეთა ჩვენებებით ასევე, ირკვევა, რომ დაკავებული შესაძლოა არ არის მცირეწლოვანი ბავშვების დედა. ბავშვებისა და ბრალდებულის ბიოლოგიური  კავშირის დადგენის მიზნით დანიშულია შესაბამისი ექსპერტიზა. დანაშაული 14-დან 17 წლამდე ვადით თავისუფლების აღკვეთას ითვალისწინებს. Facebook: https://bit.ly/2IqEzpx Instagram: https://bre.is/px2j78UIi