შეხვედრა საპატრიარქოში - შეფასებები

მეუფე იაკობის რეზონანსული განცხადებების შემდეგ სასულიერო პირების ნაწილი წმინდა სინოდის სხდომის სასწრაფოდ მოწვევას მოითხოვს. ხმამაღალი გამოსვლებით და ხისტი პოზიციებით ცნობილი მღვდელმთავარი დღეიდან ქორეპისკოპოსის ტიტულს აღარ ატარებს. ბოდბელი ეპისკოპოსი დილით პატრიარქს პირადად შეხვდა, რის შემდეგაც მედიას თანამდებობიდან საკუთარი სურვილით წასვლის შესახებ აცნობა. მეუფეს ბოდიშის მოხდაც დასჭირდა, თუმცა კიდევ ერთხელ დაადასტურა იმ შეხვედრის ფაქტი, სადაც, მისი მტკიცებით, ყოფილი პრემიერი გიორგი კვირიკაშვილი გიორგი გახარიასთან და ვახტანგ გომელაურთან ერთად მას კათოლიკოს-პატრიარქის ჩანაცვლებაში დახმარებას სთხოვდა. თუმცა მღვდელმთავრის დღევანდელი ტონი შერბილებული იყო, აღარ ისმოდა მუქარაც. სასულიერო პირებთან ერთად მეუფე იაკობისგან განმარტებებს ელოდება პოლიტიკური სპექტრიც. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.