ვითარება ქაბულში

ქაბულის აეროპორტიდან ევაკუაციის პროცესი გრძელდება. თვითმხილველთა განცხადებით, „თალიბანმა“ აეროპორტის მიმდებარე ტერიტორიაზე გარკვეული რეგულაციების დაწესება დაიწყო. დღეს დილიდან ქაოტურად შეკრების ნაცვლად, აეროპორტთან გრძელი რიგები ეწყობა. გასულ ღამეს, ქალაქიდან 300-მდე გამოიყვანა ავსტრალიამ. მათ შორის როგორც მათი ქვეყნის, ასევე ახალი ზელანდიის, ამერიკის, გაერთიანებული სამეფოსა და ვიზის მქონე ავღანეთის მოქალაქეებიც არიან. აეროპორტში ასაფრენ ბილიკზე, ასევე სროლისა და ჭყლეტვის შედეგად, საერთო ჯამში გარდაცვლილია სულ მცირე 12 ადამიანი. ტერიტორიაზე უსაფრთხოებას 5 800-მდე ამერიკელი ჯარისკაცი უზრუნველყოფს. შეერთებულმა შტატებმა გასული ერთი კვირის განმავლობაში ქვეყნიდან 18 000-მდე ადამიანი გაიყვანა. ბაიდენის ადმინისტრაცია ახლა ევაკუაციის პროცესში სამოქალაქო  თვითმფრინავების ჩართვის საკითხს განიხილავს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.