ავტორ-შემსრულებლების ბრიფინგი

ავტორ-შემსრულებლები ბოლო პერიოდში საავტორო უფლებების დაცვის ორგანიზაციებთან დაკავშირებულ მოვლენებს ეხმაურებიან. როგორც მათ დღეს გამართულ ბრიფინგზე განაცხადეს, ხელოვანებს რუსულ კომპანიასთან თანამშრომლობაში სდებენ ბრალს, იმის გამო, რომ ბევრმა მათგანმა ნებაყოფლობით დატოვა საქართველოს საავტორო უფლებათა ასოციაცია და გაწევრიანდა საქართველოს საავტორო უფლებამფლობელთა ასოციაცია „გერაში“. მათი თქმით, გაუგებარია რატომ აპროტესტებენ ძალიან მნიშვნელოვან კანონს, “საავტორო და მომიჯნავე უფლებების შესახებ “, მაშინ როდესაც ამ კანონმა ყველა თანაბარ პირობებში უნდა ჩააყენოს. ავტორ-შემსრულებელთა განცხადებით კანონი, USAID-სა და CLDP-თან ერთად მუშავდებოდა და ორი წლის განმავლობაში ყველა მათი შენიშვნისა თუ რეკომენდაციის გათვალისწინებით სწორდებოდა. ავტორ შემსრულებლები შეშფოთებას გამოთქვამენ GERA-ს წევრების დისკრედიტაციის გამო და ამბობენ, რომ მსგავსი ცილისწამება, ხელოვანების ორ ნაწილად გახლეჩის მცდელობაა. ასევე მათი თქმით, კითხვები აქვთ გიგა კობალაძის ორგანიზაციის მიმართ, რომელიც აუდიტის დასკვნამ გააჩინა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.