თელავის „დემოკრატიის სკოლაში" განაცხადების მიღება დასრულდა

თელავის „დემოკრატიის სკოლაში" განაცხადების მიღება დღეს დასრულდა. ბოლო მონაცემებით, მონაწილეობის მსურველი მოქალაქის სულ 40-მდე აპლიკაციაა დარეგისტრირებული. „ნიმდი"- ს ადგილობრივი კოორდინატორის განცხადებით, „დემოკრატიის სკოლების" მისიას ხარისხიანი განათლების და დამატებითი რესურსებისადმი წვდომის გაზრდის გზით აქტიური მოქალაქეების ხელშეწყობა და დემოკრატიული საზოგადოების განვითარება წარმოადგენს. 6 თვიანი სატრენინგო პროგრამა კი 4 ძირითად მოდულს მოიცავს: უნარები, დემოკრატიული საზოგადოება, დემოკრატიული მმართველობა, მონაწილეობა და ლიდერობა. „ნიმდის" „დემოკრატიის სკოლები" წარმოადგენს ინტენსიურ საგანმანათლებლო პროგრამას, რომელიც განკუთვნილია ადგილობრივი თვიმმართველობის, არასამთავრობო სექტორის, მედიის, პოლიტიკური პარტიების, აკადემიური წრეების წარმომადგენლების, წარმატებული სტუდენტების და თანამედროვე დემოკრატიის საკითხებით დაინტერესებული აქტიური მოქალაქეებისთვის. ვებ-გვერდზე გადასვლა: http://bit.ly/1psITEa