ყველა გზა კარიერებთან მიდის - რეპორტაჟი ჭიათურის სოფელ თაბაგრებიდან
06/16/2021
Mtisambebi / მთის ამბები-ის
მიერ
© https://mtisambebi.ge/ - ჭიათურის სოფელ თაბაგრებში საითაც არ უნდა წახვიდეთ, ყველა გზა კარიერებთან მიგიყვანთ. აქაც, როგორც ბევრ სოფელში კომპანია „ჯორჯიან მანგანეზი“ და მისი კონტრაქტორები პირდაპირ საცხოვრებელ უბნებში არიან „შეჭრილები“. გადათხრილია სახლების ეზოები, ნაკვეთები, ტყის ნაწილი, გზები - ყველაფერი, სადაც მანგანუმის არსებობას ვარაუდობენ. გაღატაკებული მოსახლეობა მცირე გასამრჯელოს სანაცვლოდ ან თავად აძლევს „ჯორჯიან მანგანეზს“ ტერიტორიის აოხრების უფლებას ან კომპანია და მისი კონტრაქტორები ისე შეუსევენ მძიმე ტექნიკას, რომ განმარტებას რამდენიმე მეტრში მცხოვრებ ადამიანებსაც კი არ აძლევენ, რომელთა საარსებო გარემოც მთლიანად უარესდება.
