როცა ყველაფერი ჩერდება - ველობლოგი

მეცნიერები ბოლო ათწლეულები გვაფრთხილებდნენ, მაგრმ არავის არ ესმოდა მათი. ბოლო წელი განსაკუთრებულად მძიმე იყო ჩვენი ბუნებისთვის. არ ვიცი სხვაგან რა ხდებოდა, მაგრამ საქართველოში მდინარეების და წყაროების დიდი ნაწილი დაშრა. მყინვარებზე შესამჩნევად იყო შემცირებული ყინულის საფარი. წელიწადის დროებიც უჩვეულო ბუნებრივი მოვლენებით იყო სავსე. ერთმანეთის მიყოლებით იხოცებოდნენ ბავშვები და მოზრდილები სიმსივნეებით და სხვა მძიმე პათოლოგიებით... ამ დღეებში გამოჩნდა, რომ აქვს პლანეტას ბუნებრივი წონასწორობის აღდგენის შანსი და ისიც გამოჩნდა, თუ როგორ უაზროდ ვიყენებთ სასიცოცხლო რესურსებს. ალბათ დიდი ხანი უნდა გაგრძელდეს ეს მდგომარეობა და ჩვენც უნდა გადავეწყოთ სხვა ცხოვრების წესზე იმისთვის, რომ პლანეტა არ გავაოხროთ. გვეყოფა ნებისყოფა საამისოდ?! ამ "გადაწყობის" პერიოდში რამდენ ადამიანს დაენგრევა ცხოვრება?! რამდენად შევძლებთ უარის თქმას ბევრ ძალიან მავნე ჩვევაზე?! მძიმე და რთული თემაა. მაგრამ საჭიროა ყველაფრის შეცვლა. სხვანაირად... შეიძლება ჩვენს გარეშე გაგრძელდეს სიცოცხლის ჟრიამული დედამიწაზე, ან საერთოდ ვერ გაგრძელდეს. ვიდეო არ გამოვიდა ისეთი, როგორიც მინდოდა. ვერც გამოვიდოდა. გადაღებულია კალკულატორით. ახალი ტექნიკა და ხარისხი არხის განვითარებასთან ერთად მოვა. ამჯერად უფრო მნიშვნელოვანია რამდენად შევძლებთ გავიაზროთ რა გვიჯდება ჯანსაღი ჰაერის სუნთქვა და როგორ შევინარჩუნოთ ჯანსაღი გარემო ისე, რომ ჩვენი თანამოქალაქეები არ გაგვინადგურდნენ. ბევრი რამეა გაჩერებული და ეს პირდაპირ ურტყამს ჩვენს ოჯახებს. © ველობლოგი My favorites list at Amazon ➜ https://www.amazon.com/shop/aragviani Blog ➜ https://mobilisinmobilige.blogspot.com/ Instagram ➜ https://www.instagram.com/veloblogi/ telegram ➜ https://t.me/veloblogi facebook ➜ https://www.facebook.com/mobilisinmob... #ველობლოგი #cycling