ბორის ჯონსონის განცხადება

რუსეთის კიბერთავდასხმებისგან დაცვის მიზნით, დიდი ბრიტანეთი საქართველოს 5 მილიონ გირვანქა სტერლინგს გამოუყოფს. ამის შესახებ ბრიტანეთის მთავრობის განცხადებაში ვკითხულობთ. როგორც ბორის ჯონსონი აღნიშნავს, გამოყოფილი თანხა საქართველოს საერთო უსაფრთხოების კონტექსტში საფრთხეების გამოვლენასა და მათზე რეაგირებაში დაეხმარება. დიდი ბრიტანეთის დახმარებას სოციალურ ქსელ „ტვიტერში“ ეხმაურება საქართველოს პრემიერ-მინისტრი. მთავრობის მეთაური ხაზს უსვამს, რომ ეს ქვეყნის და მთელი ევროპის უსაფრთხოებაში შეიტანს წვლილს. „უაღრესად ვაფასებთ ჩვენი სტრატეგიული პარტნიორი დიდი ბრიტანეთისგან 5 მილიონი გირვანქა სტერლინგის გამოყოფას გარე წყაროებიდან მომდინარე კიბერსაფრთხეების მიმართ საქართველოს მედეგობის გასაზრდელად“,- აღნიშნავს პრემიერი. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.