ფონიჭალაში ავარიას ოთხი ადამიანი ემსხვერპლა

ფონიჭალაში ავტოავარიის შედეგად ოთხი ადამიანი დაიღუპა, მათ შორის ორი არასრულწლოვანი. ავტომობილი ერთი ოჯახის შვიდ წევრს დაეჯახა, შედეგად გარდაცვლილია 25 წლის ახალგაზრდა ქალი, მასთან ერთად დაიღუპა მისი ოთხი წლის შვილი. გარდაიცვალა საავადმყოფოში გადაყვანილი შვიდი წლის ბიჭიც. არსებული ინფორმაციით, ოჯახი ქორწილიდან სახლში უნდა დაბრუნებულიყო, რა დროსაც, ავტომობილში ჩასხდომისას მათ მანქანა დაეჯახათ. სამი დაშავებული ამ დროისთვის სამედიცინო დაწესებულებაში შესაბამის მკურნალობას გადის. შინაგან საქმეთა სამინისტროს ინფორმაციით, მომხდარზე გამოძიება სსკ-ის 276-ე მუხლის მერვე ნაწილით მიმდინარეობს, რაც ტრანსპორტის მოძრაობის უსაფრთხოების წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.